Home Uncategorized Zemaj kërkon nga laboratorët privat të mos caktojnë çmime për teste në...

Zemaj kërkon nga laboratorët privat të mos caktojnë çmime për teste në dëm të qytetarëve

108
0

Ministri i Shëndetësisë Armend Zemaj ka takuar sot drejtuesit e Autoritetit Kosovar të Konkurrencës, për të diskutuar në lidhje me licencimin e laboratorëve privat e të cilët do të kryejnë testet për të zbuluar prezencën ose jo të Covid-19.

Ministri Zemaj tha se janë takuar me kryesuesin e Autoriteti të Konkurrencës Valon Prestreshin, për të kërkuar respektim të politikave të konkurrencës dhe për të mos lejuar monopol.

Zemaj po ashtu tha se këtë takim e zhvilloi për tu siguruar nga ky autoritet se laboratorët e licencuar nuk do të bëjnë asnjë lloj marrëveshje të ndaluar për caktimin e çmimit në dëm të kosovarëve.

“Ne kemi deleguar kompetencën e kërkesës tek institucionet tona të brendshme siç është inspektorati shëndetësor dhe si ministër i Shëndetësisë ju kërkova Autoritetit të Konkurrencës monitoroj sjelljen e këtyre institucioneve në lidhje me caktimin e këtij çmimi. Jemi në kohë pandemi, në kohë emergjente, duhet të jemi përgjegjës para qytetarëve. Ne mbështetemi tek autoriteti i konkurrencës për të na siguruar se laboratorët nuk do të bëjnë asnjë lloj marrëveshje të ndaluar për caktimin e çmimit në dëm të qytetarëve të Kosovës”, theksoi Zemaj.

Në anën tjetër Prestreshi theksoi se autoriteti i konkurrencës ka marrë të gjitha masat dhe u ka bërë thirrje institucioneve shëndetësore , sikurse Armend Zemaj, të mos bëjnë marrëveshje mes vete në dëm të qytetarëve.

LEAVE A REPLY

Please enter your comment!
Please enter your name here